شوية اسئلة للولاد على الماشى

1-لو
واحده فيها كل الصفات اللى انت بتحبها بس فيها عيب واحد بس و هو فى المنظر
يعنى مثلا جسمها مش مثالى او لابسه نضاره او مش مهتمة بنفسها ده هيبعدك
عنها؟
عن نفسى كل اللى يهمنى فى اللى بحبها شخصيتها وكمان انها تكون صادقه فى حبها ليا


2-لو عرفت ان خطيبتك او البنت اللى انت مرتبط بيها بتكتب فى منتديات ده هيخليك تبعد عنها؟

لو بتكتب مواضيع هادفه ومهمه ومحترمه دا يخلينى اتمسك بيها اكتر انها بتقول رأيها للناس ووجهة نظرها بأى طريقه


3-من صفات فتاة احلامك انها تكون روشه و لذيذه و اجتماعيه ولا هاديه و رقيقه؟

تكون بين الأتنين يعنى تكون اجتماعيه ولذيذه ورقيقه


4-ايه اكتر الصفات اللى بتضايقك و تخليك تبعد عن بنت؟

الكدب او الخيانه


5-ايه الصفات اللى تجذبك لبنت و تخليك معجب بيها؟

الأدب تكون بتحب الخير للناس وتحب الأطفال وتكون شاطره فى الدراسه وعارفه ربنا


6-لو حسيت ان فى واحده معجبه بيك هتتقرب لها و لا تنفضلها و تتقل؟

لو انا كمان حسيت من نحيتها بحاجه مش هلف وادور واتقل اروح واقولها ان انا معجب بيها
لو محستش من نحيتها بحاجه خلاص بقى هطنش علشان معشمهاش بحاجه


7-ايه
الفرق بين البنت اللى انت تحب تكونوا اصحاب واصدقاء و اللى انت عايز
تتجوزها؟ يعنى صفات دى وصفات دى..و هل ممكن تتجوز بنت كنت انت وهى اصحاب؟


لو صديقه تكون كتومه للسر تكون رزينه وعقله اما لو عايز اتجوزها تكون هاديه وفيها نفس صفات الصديقه وتكون هى بقى اللى قلبى شاور عليها

اه ممكن الواحد يتجوز اللى كانت صاحبتو لو حبها وهى حبتو
علشان ساعات الصداقه بتتحول لحب
بس ناااااااااااااااااااااادر