مش رجوله منك على فكره

السلام عليكمـ ورحمة الله وبركاتة I love you

مش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!!!!!!

-مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد جتة عمرك ما هتعرف تبصلها (أياً كان لبسها بردو)

-مش رجولة منك تتنطط وتتشطر بالكلام على واحد مبيعرفش يتكلم رغم انك عارف ان في اللي بيتكلم احسن منك 10 مرات

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر

-مش رجولة منك ان قدوتك في الحياة تكون مصارع أو مغني أو حتى ممثل والناس دي في غنى عنك وعن حبك وتشجيعك ويمكن تموت ويموتوا ومتشوفهمش وتنسى افضل قدوه ليك فى الدنيا حبيبك وحببنا كلنا سيدنا محمد صلى الله عليه وسلم

-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو حتى تكلمهم !!!!!

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش....

-مش رجولة منك انك تكلم دي و توعد دي بأحلام ورديه ... و في الأخر تخلع

- مش رجوله منك انك تتكلم على الفاضى من غير ماتنفذ ده الراجل برده زى ما بيقولوا بيتمسك من لسانه امال راجل ليه

- مش رجوله منك لما الاذان بياذن فى المسجد وانت قاعد على الكمبيوتر ومش تنزل تصلى وتلاقى راجل كبير تعبان مش قادر يمشى جاى من بعيد وداخل المسجد

وعموماً......في ناس الكلام مش هيأثر فيهم لسبب بسيط جداً

♥ ان الرجولة ملهاش قطع غيار ♥

سؤال واحد بجد نفسى حد يجاوبنى عليه
ايه اللى حصل للرجالة
ليه بقوا قليلين اوى

ليه الذكور موجودة انما الرجالة قليلة
الشباب همتها فين؟؟؟؟
ليه كل واحد مش واثق ف نفسه؟؟؟؟

موضوع جميل تسلم ايدك يا قمر